ದೆಹಲಿ: ಒಂದೆಡೆ ಲಡಾಕ್ ಗಾಡಿಯಲ್ಲಿ ಚೀನಾ ರಗಳೆ, ಇನ್ನೊಂದೆಡೆ ಪಿಒಕೆಯಲ್ಲಿ ಪಾಕ್ ಪಡೆಯ ಕಿರಿಕ್.. ಈ ಆತಂಕದ ಕಾಲದಲ್ಲಿ ಭಾರತದ ರಕ್ಷಣಾ ಕ್ಷೇತ್ರಕ್ಕೆ ಭೀಮಬಲ ಸಿಕ್ಕಿದೆ.
ಭಾರತದ ವಾಯುಪಡೆಯ ಮಹತ್ವಾಕಾಂಕ್ಷೆಯ ‘ಬ್ರಹ್ಮೋಸ್’ ಕ್ಷಿಪಣಿಗೆ ಫ್ಲೀಟ್‌ ರಿಲೀಸ್‌ ಕ್ಲಿಯರೆನ್ಸ್ ಪ್ರಮಾಣೀಕರಣ ಲಭಿಸಿದೆ. ಹಾಗಾಗಿ ಯಾವುದೇ ಯುದ್ಧ ಸನ್ನಿವೇಶಗಳಲ್ಲಿ ಈ ಬ್ರಹ್ಮಾಸ್ತ್ರವನ್ನು ಪ್ರಯೋಗಿಸಬಹುದಾಗಿದೆ. ಬ್ರಹ್ಮೋಸ್ ಪ್ರಯೋಗಿಸಲು ವಾಯುಪಡೆಗೆ ಈಗ ಹಾದಿ ಸುಗಮವಾಗಿದೆ ಎಂದು ಬ್ರಹ್ಮೋಸ್ ಕಾರ್ಪೊರೇಷನ್‌ ಪ್ರಮುಖರು ಅಭಿಪ್ರಾಯಪಟ್ಟಿದ್ದಾರೆ.
ಏನಿದು ‘ಬ್ರಹ್ಮೋಸ್’ ಕ್ಷಿಪಣಿ?
- ಇಂಡೋ-ರಷ್ಯಾದ ಬ್ರಹ್ಮೋಸ್ ಸೂಪರ್ಸಾನಿಕ್ ಕ್ರೂಸ್ ಕ್ಷಿಪಣಿ ಇದಾಗಿದೆ. ಕಳೆದ ಡಿಸೇಂಬರ್’ನಲ್ಲಿ ಒಡಿಶಾದ ಚಂಡಿಪುರದಲ್ಲಿ ಸಂಯೋಜಿತ ಟೆಸ್ಟ್ ಶ್ರೇಣಿಯಿಂದ ಯಶಸ್ವಿಯಾಗಿ ಪರೀಕ್ಷಿಸಲಾಗಿತ್ತು.
- ಭಾರೀ ಪ್ರಮಾಣದ ಸಾಮರ್ಥ್ಯ ಹೊಂದಿರುವ ಬ್ರಹ್ಮೋಸ್ ಕ್ಷಿಪಣಿಯ ಭೂದಾಲಿ ಆವೃತ್ತಿ ಇದಾಗಿದೆ.
- ಸುಖೋಯ್‌- 30 ಎಂಕೆಐ ಯುದ್ಧ ವಿಮಾನದ ಮೂಲಕ ತಂಜಾವೂರಿನ ಐಎಎಫ್ ವಾಯುನೆಲೆಗೆ ಜನವರಿ ತಿಂಗಳಿನಲ್ಲಿಯೇ ಸೇರ್ಪಡೆಗೊಂಡಿತ್ತು.
- 300 ಕಿ.ಮೀ. ಗಮ್ಯದ ದಾಳಿ ಸಾಮರ್ಥ್ಯ ಈ ಕ್ಷಿಪಣಿಗಿದೆ.
- ಸುಖೋಯ್‌- 30 ಎಂಕೆಐ ಅತ್ಯಾಧುನಿಕ ಬಹುಪಾತ್ರದ ಫೈಟರ್‌ ವಿಮಾನವಾಗಿದ್ದು,
ವಾಯು, ನೆಲ ಮತ್ತು ಕಡಲ ಮೇಲಿನ ಕಾರ್ಯಾಚರಣೆಯ ವಿಶೇಷ ಸಾಮರ್ಥ್ಯವನ್ನು ಹೊಂದಿದೆ.
ಇದನ್ನೂ ಓದಿ.. ಲಡಾಖ್ ಗಡಿಯಲ್ಲಿ ಸಂಘರ್ಷ; 20 ಭಾರತೀಯ ಯೋಧರು, 43 ಚೀನಾ ಪಡೆ ಸೈನಿಕರ ಸಾವು
