ಪಾಟ್ನಾ: ದೇಶದಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ನಾಯಕತ್ವಕ್ಕೆ ಮತ್ತೆ ಜನಮನ್ನಣೆ ದೊರೆತಿದೆ. ಬಿಹಾರ ವಿಧಾನಸಭೆ ಚುನಾವಣೆಯ ಫಲಿತಾಂಶದಲ್ಲಿ ಬಿಜೆಪಿ ನೇತೃತ್ವದ ರಾಷ್ಟ್ರೀಯ ಪ್ರಜಾಸತ್ತಾತ್ಮಕ ಒಕ್ಕೂಟ (NDA) ಸ್ಪಷ್ಟ ಬಹುಮತದ ಜಯಭೇರಿ ಬಾರಿಸಿದ್ದು, ರಾಜ್ಯದಾದ್ಯಂತ ವಿಜಯೋತ್ಸವದ ಸಂಭ್ರಮ ಹರಡಿದೆ.
ಈ ಬಾರಿ ಬಿಹಾರದಲ್ಲಿ ಅಧಿಕಾರಕ್ಕೆ ಬರಬೇಕೆಂದು ಭರವಸೆ ಬೆಳೆಸಿಕೊಂಡಿದ್ದ ಕಾಂಗ್ರೆಸ್‌ ನೇತೃತ್ವದ ಮಹಾಘಟಬಂಧನದ ಕನಸು ಭಗ್ನಗೊಂಡಿದೆ. ಜನತೆ ಮತದಾನದಿಂದಲೇ ತಮ್ಮ ತೀರ್ಪು ಪ್ರಕಟಿಸಿದ್ದು, NDA ದಿಕ್ಕಿನತ್ತ ಸ್ಪಷ್ಟ ಆದೇಶ ನೀಡಿದೆ.
243 ಸ್ಥಾನಗಳಿರುವ ವಿಧಾನಸಭೆಯಲ್ಲಿ NDA ಭಾರೀ ಮುನ್ನಡೆ ಸಾಧಿಸಿ 202 ಸ್ಥಾನಗಳನ್ನು ತನ್ನದಾಗಿಸಿಕೊಂಡಿದೆ. JDU 85 ಸ್ಥಾನಗಳನ್ನು ಗೆದ್ದರೆ, ಪ್ರಮುಖ ಮಿತ್ರಪಕ್ಷವಾದ ಭಾರತೀಯ ಜನತಾ ಪಕ್ಷ 89 ಸ್ಥಾನಗಳನ್ನು ಪಡೆದುಕೊಂಡಿದೆ. ಉಳಿದ ಮಿತ್ರಪಕ್ಷಗಳು 28 ಸ್ಥಾನಗಳನ್ನು ಗೆದ್ದು NDAಯ ಬಲವನ್ನು 200ರ ಗಡಿಯಾಚೆಗೆ ಕೊಂಡೊಯ್ದಿವೆ.
ಇನ್ನೊಂದೆಡೆ, ಮಹಾಘಟಬಂಧನಕ್ಕೆ ಗಂಭೀರ ಹಿನ್ನಡೆ ಎದುರಾಗಿದೆ. ರಾಷ್ಟ್ರಿಯ ಜನತಾ ದಳ (RJD) 25 ಸ್ಥಾನಗಳಿಗೆ ತೃಪ್ತಿಪಟ್ಟುಕೊಳ್ಳಬೇಕಾಯಿತು. ಕಾಂಗ್ರೆಸ್‌ ಪಕ್ಷಕ್ಕೆ ಕೇವಲ 6 ಸ್ಥಾನಗಳು ಸಿಕ್ಕಿದ್ದು, ಇತರ ಮಿತ್ರಪಕ್ಷಗಳು 4 ಸ್ಥಾನಗಳನ್ನು ಗೆದ್ದಿವೆ. ಒಟ್ಟಾರೆ 35 ಸ್ಥಾನಗಳಷ್ಟೇ ಮಹಾಘಟಬಂಧನದ ಖಾತೆಗೆ ಸೇರಿವೆ.
ಬಿಹಾರದ ಜನತೆಯ ತೀರ್ಪು NDA ಪರವಾಗಿ ತಿರುಗುತ್ತಿದ್ದಂತೆ, ಪಾಟ್ನಾದಿಂದ ಗ್ರಾಮಾಂತರದವರೆಗೆ ಸಂಭ್ರಮದ ಮೆರವಣಿಗೆಗಳು, ಹರ್ಷೋದ್ಗಾರಗಳು ರಾಜ್ಯವ್ಯಾಪ್ತವಾಗಿ ಕಂಡುಬಂದವು.
Party Wise Results (Total 243)
- Bharatiya Janata Party – BJP – 89
- Janata Dal (United) – JD(U) -85
- Rashtriya Janata Dal – RJD – 25
- Lok Janshakti Party (Ram Vilas) – LJPRV – 19
- Indian National Congress – INC – 6
- All India Majlis-E-Ittehadul Muslimeen – AIMIM – 5
- Hindustani Awam Morcha (Secular) – HAMS – 5
- Rashtriya Lok Morcha – RSHTLKM – 4
- Communist Party of India (Marxist-Leninist) (Liberation) – CPI(ML)(L) – 2
- Indian Inclusive Party – IIP – 1
- Communist Party of India (Marxist) – CPI(M) -1
- Bahujan Samaj Party – BSP – 1
