ಕನ್ನಡ ಚಿತ್ರರಂಗದಲ್ಲಿ ಇದೀಗ ‘ಕ್ರಾಂತಿ’ ಚಿತ್ರದ್ದೇ ಮಾತು. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ‘ಕ್ರಾಂತಿ’ ಸಿನಿಮಾ ಸ್ಯಾಂಡಲ್‌ವುಡ್ ಲೋಕದಲ್ಲಿ ಭಾರೀ ಹವಾ ಎಬ್ಬಿಸಿದೆ. ಸೋಷಿಯಲ್ ಮೀಡಿಯಾಗಳಲ್ಲಿ ಪ್ರಚಾರ ಜೋರಾಗಿದ್ದು ದರ್ಶನ್ ಅಭಿಮಾನಿಗಳ ಪಾಲಿಗೆ ಈ ಬೆಳವಣಿಗೆಯು ಹಬ್ಬ ಸಂಭ್ರಮದಂತಾಗಿದೆ.
ಕಳೆದ ವಾರ ಮೈಸೂರಿನಲ್ಲಿ ಥೀಮ್ ಸಾಂಗ್ ಅನಾವರಣ ಮಾಡಿ ‘ಕ್ರಾಂತಿ’ ಜಾತ್ರೆಯ ಸನ್ನಿವೇಶವನ್ನು ಹುಟ್ಟು ಹಾಕಿದ್ದ ಚಿತ್ರ ತಂಡ, ಇದೀಗ ಈ ಸಿನಿಮಾದ ಎರಡನೇ ಹಾಡನ್ನು ಹೊಸಪೇಟೆಯಲ್ಲಿ ಅನಾವರಣ ಮಾಡಲು ತಯಾರಿ ನಡೆಸಿದೆ. ಆ ಕಾರ್ಯಕ್ರಮವನ್ನೂ ಮೈಸೂರಿನ ಸಮಾರಂಭದಂತೆ ಅದ್ಧೂರಿಯಾಗಿ ನಡೆಸಲು ದರ್ಶನ್ ಟೀಂ ತಯಾರಿಯಲ್ಲಿ ತೊಡಗಿದೆ. ಈ ಕಾರ್ಯಕ್ರಮ ಯಾವಾಗ ಎಲ್ಲಿ ಹೇಗೆ ನಡೆಯಲಿದೆ ಎಂಬ ಬಗ್ಗೆ ದರ್ಶನ್ ಅವರೇ ವೀಡಿಯೋ ಬೈಟ್ ಸಿದ್ದಪಡಿಸಿದ್ದು, ಆ ವೀಡಿಯೋವನ್ನು ನಟಿ ರಚಿತಾ ರಾಮ್ ಅವರು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
#Kranti #Bombe song on 18th Dec😍 pic.twitter.com/xyo9ovrOmP
— Rachita Ram (@RachitaRamOffl) December 15, 2022
