ಮುಂಬೈ: ಮುಂಬೈನಲ್ಲಿ ನಡೆದ ವಿವಾಹ ಸಮಾರಂಭದಲ್ಲಿ ಬಾಲಿವುಡ್ ನಟಿ ಐಶ್ವರ್ಯಾ ರೈ ಬಚ್ಚನ್ (Aishwarya Rai Bachchan) ತಮ್ಮ ಪತಿ ಅಭಿಷೇಕ್ ಬಚ್ಚನ್ (Abhishek Bachchan) ಜೊತೆ ನಟ ಸಲ್ಮಾನ್ ಖಾನ್ (Salman Khan) ಅವರ ಹಾಡಿಗೆ ನೃತ್ಯ ಮಾಡಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ವೈರಲ್ ಆಗಿರುವ ವಿಡಿಯೋದಲ್ಲಿ ಐಶ್ವರ್ಯಾ ಮತ್ತು ಅಭಿಷೇಕ್ 2007ರಲ್ಲಿ ಬಿಡುಗಡೆಯಾದ ಸಲಾಮ್-ಎ-ಇಷ್ಕ್ (Salaam‑e‑Ishq) ಚಿತ್ರದ ಶೀರ್ಷಿಕೆ ಹಾಡಿಗೆ ಒಟ್ಟಿಗೆ ಹೆಜ್ಜೆ ಹಾಕುತ್ತಿರುವುದು ಕಾಣಿಸುತ್ತದೆ. ಈ ಚಿತ್ರದಲ್ಲಿ ಅನಿಲ್ ಕಪೂರ್ (Anil Kapoor), ಗೋವಿಂದ (Govinda), ಜೂಹಿ ಚಾವ್ಲಾ (Juhi Chawla), ಅಕ್ಷಯ್ ಖನ್ನಾ (Akshaye Khanna), ಜಾನ್ ಅಬ್ರಹಾಂ (John Abraham), ಪ್ರಿಯಾಂಕಾ ಚೋಪ್ರಾ (Priyanka Chopra), ವಿದ್ಯಾ ಬಾಲನ್ (Vidya Balan), ಆಯೇಷಾ ಟಕಿಯಾ (Ayesha Takia) ಮತ್ತು ಇಶಾ ಕೊಪ್ಪಿಕರ್ (Isha Koppikar) ಸೇರಿದಂತೆ ಹಲವರು ನಟಿಸಿದ್ದರು.
ಕಾರ್ಯಕ್ರಮದಲ್ಲಿ ಐಶ್ವರ್ಯಾ ನೀಲಿ ಬಣ್ಣದ ಹೊಳೆಯುವ ಸಲ್ವಾರ್ ಕಮೀಜ್ ಧರಿಸಿದ್ದರೆ, ಅಭಿಷೇಕ್ ಕುರ್ತಾ–ಪೈಜಾಮ ಧರಿಸಿ ಕಾಣಿಸಿಕೊಂಡರು. ವೇದಿಕೆಯಲ್ಲಿ ನೀತಾ ಅಂಬಾನಿ (Nita Ambani) ಸೇರಿದಂತೆ ಇತರ ಅತಿಥಿಗಳು ಹಾಗೂ ಕುಟುಂಬ ಸದಸ್ಯರೂ ಇದ್ದರು.
Aishwarya Rai At Vita Dani's Wedding dancing on stage after a long Time 🥳😍🥹💙
#AishwaryaRai pic.twitter.com/aOFqo4jDnX— Rayane_Aishwarya (@Rayaneleela1995) March 8, 2026
ಒಂದು ಕಾಲದಲ್ಲಿ ಐಶ್ವರ್ಯಾ ಮತ್ತು ಸಲ್ಮಾನ್ ಬಾಲಿವುಡ್ನ ಅತ್ಯಂತ ಜನಪ್ರಿಯ ಜೋಡಿಗಳಲ್ಲಿ ಒಬ್ಬರಾಗಿದ್ದರು. ನಂತರ ಇಬ್ಬರೂ ತಮ್ಮ ವೈಯಕ್ತಿಕ ಕಾರಣಗಳಿಂದ ಬೇರ್ಪಟ್ಟರು. ಬಳಿಕ ಐಶ್ವರ್ಯಾ ತಮ್ಮ ‘ಗುರು’ ಚಿತ್ರದಲ್ಲಿ ಸಹನಟರಾಗಿದ್ದ ಅಭಿಷೇಕ್ ಬಚ್ಚನ್ ಜೊತೆ ಪ್ರೀತಿಯಲ್ಲಿ ಬಿದ್ದರು.
ಐಶ್ವರ್ಯಾ ಮತ್ತು ಅಭಿಷೇಕ್ ಜನವರಿ 14, 2007 ರಂದು ನಿಶ್ಚಿತಾರ್ಥ ಮಾಡಿಕೊಂಡು, ಏಪ್ರಿಲ್ 20, 2007 ರಂದು ಸಾಂಪ್ರದಾಯಿಕ ಹಿಂದೂ ವಿಧಾನದಲ್ಲಿ ವಿವಾಹವಾದರು. ನಂತರ 16 ನವೆಂಬರ್ 2011 ರಂದು ಅವರಿಗೆ ಹೆಣ್ಣು ಮಗು ಜನಿಸಿದ್ದು, ಆಕೆಗೆ ಆರಾಧ್ಯಾ ಬಚ್ಚನ್ (Aaradhya Bachchan) ಎಂದು ಹೆಸರು ಇಟ್ಟಿದ್ದಾರೆ.
ಇತ್ತೀಚೆಗೆ ಈ ಜೋಡಿ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ (Sachin Tendulkar) ಅವರ ಪುತ್ರ ಅರ್ಜುನ್ ತೆಂಡೂಲ್ಕರ್ (Arjun Tendulkar) ಅವರ ವಿವಾಹ ಸಮಾರಂಭದಲ್ಲೂ ಒಟ್ಟಿಗೆ ಕಾಣಿಸಿಕೊಂಡಿದ್ದರು.
ಆ ಕಾರ್ಯಕ್ರಮದಲ್ಲಿ ಐಶ್ವರ್ಯಾ ನೀಲಿ-ಬೆಳ್ಳಿ ಅನಾರ್ಕಲಿ ಉಡುಗೆಯಲ್ಲಿ ಮಿಂಚಿದ್ದರೆ, ಅಭಿಷೇಕ್ ಕಪ್ಪು ಶೆರ್ವಾನಿಯಲ್ಲಿ ಕಾಣಿಸಿಕೊಂಡಿದ್ದರು. ಇದೇ ವೇಳೆ ಅಮಿತಾಭ್ ಬಚ್ಚನ್ (Amitabh Bachchan) ಮತ್ತು ಜಯಾ ಬಚ್ಚನ್ (Jaya Bachchan) ಅವರೊಂದಿಗೆ ಇಡೀ ಬಚ್ಚನ್ ಕುಟುಂಬ ಬಹಳ ದಿನಗಳ ನಂತರ ಸಾರ್ವಜನಿಕವಾಗಿ ಒಟ್ಟಿಗೆ ಕಾಣಿಸಿಕೊಂಡಿತ್ತು.
