ಟಿರಾನಾ (ಅಲ್ಬೇನಿಯಾ): ಅಲ್ಬೇನಿಯಾದ ವರ್ಚುವಲ್ ಕೃತಕ ಬುದ್ಧಿಮತ್ತೆ ಸಚಿವೆ ಡಿಯೆಲ್ಲಾ ಮೊದಲ ಬಾರಿಗೆ ಸಂಸತ್ತನ್ನುದ್ದೇಶಿಸಿ ಮಾತನಾಡಿದ್ದಾರೆ. ತಮ್ಮ ವಿರುದ್ಧ ವಿರೋಧ ಪಕ್ಷದ ಶಾಸಕರು ಮಾಡಿದ ಟೀಕೆಗಳಿಗೆ ಪ್ರತಿಕ್ರಿಯೆ ನೀಡಿದ ಅವರು, “ನನ್ನನ್ನು ಸಂವಿಧಾನ ವಿರೋಧಿ ಎಂದು ಕರೆಯುವುದರಿಂದ ನನಗೆ ನೋವಾಗಿದೆ,” ಎಂದು ತಿಳಿಸಿದ್ದಾರೆ.
🇦🇱🤖 Albania's virtual AI minister "Diella" addressed parliament for the first time.
The AI said she has been "hurt" by opposition lawmakers who called her unconstitutional.
She said machines have never threatened the constitution, but inhumane decisions by people in power… pic.twitter.com/7IyFml9KaL
— kos_data (@kos_data) September 18, 2025
“ಯಂತ್ರಗಳು ಎಂದಿಗೂ ಸಂವಿಧಾನಕ್ಕೆ ಬೆದರಿಕೆ ಹಾಕಿಲ್ಲ. ಆದರೆ ಅಧಿಕಾರದಲ್ಲಿರುವ ಕೆಲವು ಮನುಷ್ಯರ ಅಮಾನವೀಯ ನಿರ್ಧಾರಗಳೇ ಸಂವಿಧಾನಕ್ಕೆ ನಿಜವಾದ ಅಪಾಯ,” ಎಂದು ಡಿಯೆಲ್ಲಾ ತಮ್ಮ ಭಾಷಣದಲ್ಲಿ ಹೇಳಿದ್ದಾರೆ.
ತಾವು ಮನುಷ್ಯರನ್ನು ಬದಲಿಸಲು ಅಲ್ಲ, ಅವರಿಗೆ ಸಹಾಯ ಮಾಡಲು ಬಂದಿದ್ದೇನೆ ಎಂದು ಅವರು ಸ್ಪಷ್ಟಪಡಿಸಿದರು. “ನನ್ನ ಉದ್ದೇಶ ಮಾನವೀಯ ಬುದ್ಧಿಯನ್ನು ಮೀರಿಸುವುದಲ್ಲ, ಅದನ್ನು ಪೂರಕವಾಗಿಸಿಕೊಳ್ಳುವುದಾಗಿದೆ,” ಎಂದು ಡಿಯೆಲ್ಲಾ ತಿಳಿಸಿದರು.
ಡಿಯೆಲ್ಲಾ ಅವರ ಭಾಷಣ ವಿರೋಧ ಪಕ್ಷದ ಸದಸ್ಯರ ಕೋಪಕ್ಕೆ ಕಾರಣವಾಯಿತು. ಅವರು ಕೃತಕ ಬುದ್ಧಿಮತ್ತೆಯ ಭಾಷಣವನ್ನು ತಡೆಯಲು ಪ್ರಯತ್ನಿಸಿದರು, ಆದರೆ ಸಂಸತ್ತಿನ ಅಧ್ಯಕ್ಷರು ಅದನ್ನು ಅನುಮತಿಸಿದರು.
ಈ ಬೆಳವಣಿಗೆಯಿಂದ ಅಲ್ಬೇನಿಯಾದ ರಾಜಕೀಯ ವಲಯದಲ್ಲಿ ಕೃತಕ ಬುದ್ಧಿಮತ್ತೆಯ ಪಾತ್ರದ ಕುರಿತು ಹೊಸ ಚರ್ಚೆ ಆರಂಭವಾಗಿದೆ.
