ಮೈಸೂರು: ಸಾಂಸ್ಕೃತಿಕ ನಗರಿ ಮೈಸೂರಿನಲ್ಲಿ ನಡೆದ ASRTU ಸ್ಥಾಯಿ ಸಮಿತಿಯ (S&C) 265ನೇ ಸಭೆ ಗಮನಸೆಳೆಯಿತು.
ASRTU ದೇಶದ ಎಲ್ಲಾ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಗಳ ಅಪೆಕ್ಸ್ ಸಮನ್ವಯ ಸಂಸ್ಥೆಯಾಗಿದ್ದು, ಇದು ರಸ್ತೆ ಸಾರಿಗೆ ಸಚಿವಾಲಯ,ಭಾರತ ಸರ್ಕಾರದ ಅಧೀನದಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಪ್ರಸ್ತುತ, 72 ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಗಳು (SRTU) ಸದಸ್ಯರಾಗಿದ್ದು, ಒಟ್ಟಾರೆಯಾಗಿ ಸುಮಾರು 1,47,000 ಬಸ್ ಗಳನ್ನು ಕಾರ್ಯಾಚರಣೆ ಮಾಡುತ್ತದೆ.
ASRTU ಒಂದು ಉನ್ನತ ಸಂಸ್ಥೆಯಾಗಿ ತನ್ನ ಸದಸ್ಯ SRTU ಗಳನ್ನು ಸಾಮಾನ್ಯ ಸಂಗ್ರಹಣೆ ವೇದಿಕೆಯ ಮೂಲಕ ಸುಗಮಗೊಳಿಸುತ್ತದೆ ಮತ್ತು ಆಟೋಮೊಬೈಲ್ ಬಿಡಿಭಾಗಗಳು, ತೈಲಗಳು ಮತ್ತು ಲೂಬ್ರಿಕೆಂಟ್ ಗಳು ಮತ್ತು ಟೈರ್ ಸಾಮಗ್ರಿಗಳ ಪೂರೈಕೆಗಾಗಿ ಎಲ್ಲಾ ಹೆಸರಾಂತ ತಯಾರಕರೊಂದಿಗೆ ದರ ಒಪ್ಪಂದಗಳನ್ನು ಸ್ಥಾಪಿಸುತ್ತದೆ. ಸ್ಥಾಯಿ ಸಮಿತಿಯ (S&C) ಮುಖ್ಯ ಚಟುವಟಿಕೆಯೆಂದರೆ, ಸದಸ್ಯ SRTUಗಳಿಂದ ಬಿಡಿಭಾಗಗಳ ಸಂಗ್ರಹಣೆಗೆ ಅನುಕೂಲವಾಗುವಂತೆ ದರಗಳು, ನಿಯಮಗಳು ಮತ್ತು ಷರತ್ತುಗಳನ್ನು ನಿರ್ದಿಷ್ಟಪಡಿಸುವ ದರ ಒಪ್ಪಂದಗಳನ್ನು ಸ್ಥಾಪಿಸಲು ಬಿಡಿಭಾಗಗಳು ಮತ್ತು ಇತರ ವಸ್ತುಗಳ ತಯಾರಕರಿಂದ ಟೆಂಡರ್ ಗಳನ್ನು ಆಹ್ವಾನಿಸುವುದು.
KSRTC ವ್ಯವಸ್ಥಾಪಕ ನಿರ್ದೇಶಕ ವಿ.ಅನ್ಬುಕುಮಾರ್, KSRTC ನಿರ್ದೇಶಕ ಎಂ. ಸುಂದರೇಶ್ ಬಾಬು, ASRTU ತಾಂತ್ರಿಕ ನಿರ್ದೇಶಕ ಆರ್.ಆರ್.ಕೆ.ಕಿಶೋರ್ ಹಾಗೂ ವಿವಿಧ ರಸ್ತೆ ಸಾರಿಗೆ ಸಂಸ್ಥೆಗಳ ಮುಖ್ಯ ಯಾಂತ್ರಿಕ ಅಭಿಯಂತರರು ಹಾಗೂ ಮುಖ್ಯ ಖರೀದಿ ಮತ್ತು ಉಗ್ರಾಣಾಧಿಕಾರಿಗಳು ಈ ಸಭೆಯಲ್ಲಿ ಭಾಗವಹಿಸಿದ್ದರು.
