ದೆಹಲಿ: ಜಗತ್ತಿನಾದ್ಯಂತ ಮರಣ ಮೃದಂಗ ಭಾರಿಸುತ್ತಿರುವ ಕೋವಿಡ್-19 ವೈರಸ್ ಹಾವಳಿ ಭಾರತದಲ್ಲೂ ಆತಂಕದ ಅಲೆ ಎಬ್ಬಿಸಿದ್ದು ಸೋಂಕಿತರ ಸಂಖ್ಯೆ ಹೆಚ್ಚುತ್ತಲೇ ಇದೆ. ಕೊರೋನಾ ವೈರಾಣು ಹರಡುವುದನ್ನು ತಡೆಯಲು ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದೊಂದೇ ಮಾರ್ಗ. ಈ ಸೂತ್ರ ಅನುಸರಿಸಲೆಂದೇ ದೇಶಾದ್ಯಂತ ಲಾಕ್’ಡೌನ್ ಜಾರಿಯಲ್ಲಿದ್ದು, ಸಾರ್ವಜನಿಕ ಸಭೆ ಸಮಾರಂಭಗಳಿಗಿಲ್ಲ ಅವಕಾಶ. ಸಮಾರಂಭ, ಸಭೆಗಳೂ ನಡೆಯದೆ ಜನ ಗುಂಪು ಸೇರುತ್ತಿಲ್ಲ. ಆದರೂ ಸೋಂಕಿತರ ಸಂಖ್ಯೆ ಹೆಚ್ಚುತ್ತಲೇ ಇರುವುದು ದೇಶಕ್ಕೆ ಸವಾಲೆಂಬಂತಾಗಿದೆ.
ಈ ಸಂದರ್ಭದಲ್ಲಿ ಇದೀಗ ಮತ್ತೆ ದೇಶವನ್ನುದ್ದೇಶಿಸಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ, ಈ ಬಾರಿ ಮತ್ತಷ್ಟು ಕಿವಿಮಾತು ಹೇಳಿದ್ದಾರೆ. ಲಾಕ್’ಡೌನ್ ಬಳಿಕ 2 ನೇ ಮನ್ ಕೀ ಬಾತ್ ರೇಡಿಯೋ ಭಾಷಣ ಮೂಲಕ ಅಭಿಪ್ರಾಯ ವ್ಯಕ್ತಪಡಿಸಿದ ಮೋದಿ, ಇಡೀ ದೇಶದ ಜನ ಕೊರೋನಾ ವಿರುದ್ಧ ಯುದ್ಧ ಮಾಡುತ್ತಿದ್ದಾರೆ ಎಂದರು.
—– ಪ್ರಮುಖ ಸುದ್ದಿಗಳು: ಇದನ್ನೂ ಓದಿ —-
- ಕೊರೋನಾ ವಿಚಾರದಲ್ಲೂ ಮೋದಿ ‘ರಣವಿಕ್ರಮ’: ಮತ್ತೊಂದು ಖ್ಯಾತಿಯ ಕಿರೀಟ
- ಲಾಕ್’ಡೌನ್ ನಡುವೆ ಬಾಲಕಿ ಮೇಲೆ ಗ್ಯಾಂಗ್ ರೇಪ್; ವೀಡಿಯೋ ವಿಕೃತಿ
- ನೀವು ಕಂಟೈನ್‍ಮೆಂಟ್ ಝೋನ್’ನಲ್ಲಿದ್ದೀರಾ? ಇಲ್ಲಿದೆ ಪಟ್ಟಿ
ಪ್ರಧಾನಿ ಭಾಷಣದ ಹೈಲೈಟ್ ಇಲ್ಲಿದೆ
- ಬಡವರಿಂದ ಹಿಡಿದು ಶ್ರೀಮಂತರವರೆಗೆ ಎಲ್ಲರೂ ಈ ಯುದ್ಧ ಮಾಡುತ್ತಿದ್ದಾರೆ.
- ಸಾಮಾನ್ಯ ಜನರ ನೇತೃತ್ವದಲ್ಲಿ ನಡೆಯುತ್ತಿರುವ ಯುದ್ಧ ಇದಾಗಿದೆ.
- ನಿಮ್ಮ ಮನದ ಮಾತುಗಳು ನನ್ನನ್ನು ತಲುಪಿದೆ
- ಜನ ಒಬ್ಬರಿಗೊಬ್ಬರು ಸಹಾಯ ಮಾಡುತ್ತಿದ್ದಾರೆ.
- ಇಡೀ ದೇಶದ ಚಿತ್ತ ಒಂದೇ ಕಡೆ ಇದೆ
- ಈ ಯುದ್ಧ ಮೂಲಕ ಇಡೀ ದೇಶ ಒಂದಾಗಿದೆ.
- ಪ್ರತಿಯೊಬ್ಬ ನಾಗರಿಕನೂ ಇದರಲ್ಲಿ ಸೈನಿಕ.
- ದೇಶದ 130 ಕೋಟಿ ಜನರೂ ಇದರಲ್ಲಿ ಸೈನಿಕ.
- ನಾವೆಲ್ಲರೂ ಒಗ್ಗಟ್ಟಾಗಿ ಕೊರೋನಾವನ್ನು ಓಡಿಸಬೇಕಾಗಿದೆ.
- ಮಹಾಮಾರಿ ನಡುವೆಯೂ ರೈತರು ಕೃಷಿಯಲ್ಲಿ ತೊಡಗಿದ್ದಾರೆ.
- ಕೆಲವರು ತಮ್ಮ ಬೆಳೆಗಳನ್ನು ದಾನ ಮಾಡುತ್ತಿದ್ದಾರೆ
- ದೇಶವು ವೈದ್ಯಕೀಯ ಕ್ಷೇತ್ರದಲ್ಲೂ ಸಾಧಿಸುತ್ತಿದೆ.
- ಇಡೀ ವೈದ್ಯಲೋಕ ಕೊರೋನಾ ವಿರುದ್ಧ ಸೆಣಸಾಡುತ್ತಿದೆ.
- ವೈದ್ಯರ, ನರ್ಸ್’ಗಳ ಸೇವೆ, ತ್ಯಾಗಕ್ಕೆ ನಾವು ಗೌರವ ಸಲ್ಲಿಸಲೇಬೇಕು
- ಪೊಲೀಸರೂ ತಮ್ಮ ಕರ್ತವ್ಯ ಮಾಡುತ್ತಿದ್ದಾರೆ.
- ಕೊರೋನಾ ವಾರಿಯರ್ಸ್ ಮೇಲಿನ ದಾಳಿಯನ್ನು ಸಹಿಸಲು ಸಾಧ್ಯವೇ ಇಲ್ಲ
- ಕೊರೋನಾ ವಾರಿಯರ್ಸ್’ಗಾಗಿ ವೆಬ್ಸೈಟ್ ಆರಂಭಿಸಲಾಗಿದೆ.
- ವೈದ್ಯಕೀಯ ಸಿಬ್ಬಂದಿ ರಕ್ಷಣಗೆ ಎಲ್ಲಾ ಕ್ರಮ ಕೈಗೊಳ್ಳಲಾಗಿದೆ.
- ಕೊರೋನಾ ವಾರಿಯರ್ಸ್ ಮೇಲೆ ಹಲ್ಲೆ ಮಾಡಿದವರನ್ನು ಶಿಕ್ಷಿಸಲಾಗುತ್ತದೆ.
- ಪೌರ ಕಾರ್ಮಿಕರಿಗೂ ಹೂಮಾಲೆ ಮೂಲಕ ಅಭಿನಂದಿಸಲಾಗುತ್ತಿದೆ.
- ಲಾಕ್ ಡೌನ್ ನಿಯಮವನ್ನು ಕಟ್ಟುನಿಟ್ಟಾಗಿ ಪಾಲಿಸಿ
- ಜಗತ್ತಿನ ಇತರ ರಾಷ್ಟ್ರಗಳಿಗೂ ಭಾರತ ಸಹಾಯಹಸ್ತ ಚಾಚಿದೆ.
- ಅಗತ್ಯ ವಸ್ತುಗಳನ್ನು ವಿದೇಶಗಳಿಗೆ ನೀಡಿದೆ
- ಭಾರತದ ಕೊಡುಗೆಯನ್ನು ಇಡೀ ವಿಶ್ವವೇ ಹೊಗಳುತ್ತಿದೆ
- ಸಂಕಷ್ಟದಲ್ಲಿರುವವರಿಗೆ ಸಹಾಯ ಮಾಡುವುದು ನಮ್ಮ ಕ್ರತವ್ಯ
- ಕೊರೋನಾ ವಿರುದ್ಧ ಹೋರಾಟದಲ್ಲಿ ಭಾರತ ಇಡೀ ಜಗತ್ತಿಗೆ ಮಾದರಿಯಾಗಿದೆ
- ವಿವಿಧ ದೇಶಗಳ ನಾಯಕರು ಕರೆ ಮಾಡಿ ಕೃತಜ್ಞತೆ ಸಲ್ಲಿಸುತ್ತಿದ್ದಾರೆ
- ದಯವಿಟ್ಟು ಮಾಸ್ಕ್ ಧರಿಸಿ ಎಂದು ಇಡೀ ದೇಶಕ್ಕೆ ಮನವಿ ಮಾಡುತ್ತಿದ್ದೇನೆ
- ಮಾಸ್ಕ್ ಧರಿಸುವುದರಿಂದ ಮಾತ್ರ ಕೊರೋನಾದಿಂದ ಪಾರಾಗಬಹುದು
- ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ
- ಪರಿಸರದ ಬಗ್ಗೆ ಎಲ್ಲರೂ ಕಾಳಜಿ ವಹಿಸಿ
- ಯಾವುದೇ ಸಂದರ್ಭದಲ್ಲಿ ಸಾರ್ವಜನಿಕ ಸ್ಥಳದಲ್ಲಿ ಉಗುಳಬೇಡಿ
- ಸರ್ಕಾರಾದ ನಿಯಮಗಳನ್ನು ತಪ್ಪದೆ ಪಾಲಿಸಿ
- ಟ್ಯಾಂಕ್ಯು ಇಂಡಿಯಾ ಅಂತ ಹೇಳುತ್ತಿದ್ದೇನೆ
- ಇಂದು ಭಗವಾನ್ ಮಹಾವೀರ ಜಯಂತಿ
- ಅಕ್ಷಯ ತೃತೀಯ ದಿನವೂ ಹೌದು.
- ನಮ್ಮ ಆತ್ಮ, ಭಾವ ಅಕ್ಷಯವಾಗಲಿ
- ಒಳ್ಳಯ ಕೆಲಸ ಆರಂಭಿಸಲು ಶುಭ ದಿನ
- ಬಸವ ಜಯಂತಿಯಾದ ಇಂದು ಇಡೀ ದೇಶ ಬಸವಣ್ಣರನ್ನು ನೆನಪಿಸುತ್ತಿದ್ದೇವೆ.
- ಇಂತಹಾ ಕಷ್ಟದ ದಿನಗಳಲ್ಲಿ ಬಸವಣ್ಣನ ಮಾತುಗಳು ನಮಗೆ ಆದರ್ಶ
- ಈಸ್ಟರ್ ಹಬ್ಬವನ್ನೂ ಮನೆಯಲ್ಲೇ ಕುಳಿತು ಆಚರಿಸಲಾಯಿತು
- ಎಲ್ಲಾ ಹಬ್ಬಗಳನ್ನೂ ಮನೆಯೊಳಗೇ ಸೀಮಿತಗೊಳಿಸಲಾಯಿತು
ಇದನ್ನೂ ಓದಿ.. ಜೂನ್ 30ರ ವರೆಗೂ ಮದುವೆ, ಸಭೆ ಸಮಾರಂಭ ನಿಷೇಧ..?
